ತಪಾಸಣೆ ಮಾಡಿಸಿಕೊಳ್ಳುವುದು ಉತ್ತಮ ಆರೋಗ್ಯಕರ ಜೀವನ ನಡೆಸಲು ಸಹಕಾರಿ; ವೈಜನಾಥ ಪಾಟೀಲ್

ತಾಲೂಕಿನ ಮಸಬಹಂಚಿನಾಳ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಗಾವರಾಳ ಗ್ರಾಮದಲ್ಲಿ ಪ್ರಾರಂಭವಾದ ಮಹಾತ್ಮಗಾಂಧಿ ನರೇಗಾ ಯೋಜನೆಯ ನಾಲಾ ಸುಧಾರಣೆ ಕಾಮಗಾರಿ ಸ್ಥಳದಲ್ಲಿ ಆಯೋಜಿಸಿದ್ದ ಆರೋಗ್ಯ ಶಿಬಿರವನ್ನು ಉದ್ದೇಶಿಸಿ ಮಾತನಾಡಿದ ಪಂಚಾಯತಿ ಅಭಿವೃದ್ಧಿ ಅಧಿಕಾರಿ ವೈಜನಾಥ್ ಪಾಟೀಲ್

ಪ್ರತಿಯೊಬ್ಬರ ಜೀವನದಲ್ಲಿ ಆರೋಗ್ಯವೇ ಭಾಗ್ಯ ಎಂಬುದನ್ನು ಕರೋನಾ ಸಮಯದಲ್ಲಿ ಎಲ್ಲರೂ ಅರಿತಿದ್ದಾರೆ, ಅದರಲ್ಲೂ ಮಹಾತ್ಮಗಾಂಧಿ ನರೇಗಾ ಯೋಜನೆಯಲ್ಲಿ ಕೆಲಸ ಮಾಡುವ ಕೂಲಿಕಾರರು ದೈಹಿಕವಾಗಿ ಬಹಳಷ್ಟು ಒತ್ತಡದಲ್ಲಿ ಕೆಲಸ ಮಾಡುತ್ತಿರುತ್ತಾರೆ. ಅದಕ್ಕಾಗಿ ಕೂಲಿಕಾರರು ಪ್ರತಿ 15 ದಿನಕ್ಕೊಮ್ಮೆ ಆರೋಗ್ಯ ತಪಾಸಣೆಗೆ ಒಳಗಾಗಬೇಕು ಮತ್ತು ಯಾವುದೇ ರೀತಿಯ ರಕ್ತದೊತ್ತಡ, ಸಕ್ಕರೆ ಕಾಯಿಲೆ ನಿಮೋನಿಯಾದಂತಹ ಕಾಯಿಲೆಗಳು ಇದ್ದಲ್ಲಿ ಚಿಕಿತ್ಸೆ ಪಡೆಯಿರಿ ಮತ್ತು ಆರೋಗ್ಯ ಇಲಾಖೆ ಯವರು ಇದೆ ಮೇ-22 ರಿಂದ ರಾಜ್ಯಾದ್ಯಾಂತ ಆರೋಗ್ಯ ಶಿಬಿರಗಳನ್ನು ಅಯೊಜಿಸಲು ಸೂಚಿಸಿದ್ದಾರೆ. ನಮ್ಮ ಮಸಬಹಂಚಿನಾಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಎಲ್ಲಾ ನರೇಗಾ ಕೂಲಿಕಾರರು ಕೆಲಸ ಮಾಡುವ ಸ್ಥಳದಲ್ಲಿಯೇ ಆರೋಗ್ಯ ಸಿಬಿರ ಆಯೋಜನೆ ಮಾಡಿ ಆರೋಗ್ಯ ತಪಾಸಣೆ ಮಾಡಲಾಗುತ್ತಿದೆ ಇದರ ಸದುಪಯೋಗವನ್ನು ಎಲ್ಲರೂ ಪಡೆದುಕೊಳ್ಳಬೇಕು ಎಂದರು.

ನರೇಗಾ ಐ.ಇ.ಸಿ ಸಂಯೋಜಕ ಲಕ್ಷ್ಮಣ ಕೆರಳ್ಳಿ ಮಾತಮಾಡಿ ಪ್ರಸ್ತುತ ವರ್ಷದಲ್ಲಿ ನರೆಗಾ ಕೂಲಿಕಾರರಿಗೆ 316 ಕೂಲಿಯನ್ನು ನೀಡುತ್ತಿದ್ದು ಅಳತೆಯ ಪ್ರಕಾರ ಕೆಲಸ ಮಾಡಬೇಕು, ಕೂಲಿಹಣ ನೇರವಾಗಿ ಕೂಲಿಕಾರರ ಬ್ಯಾಂಕ್ ಖಾತೆಗಳಿಗೆ PFMS ಮೂಲಕ ಜಮೆ ಆಗುತ್ತಿದ್ದು ಎಲ್ಲ ಕೂಲಿಕಾರರು ತಮ್ಮ ಬ್ಯಾಂಕ್ ಖಾತೆಗಳನ್ನು ಆಧಾರ ಸಂಖ್ಯೆಯೊಂದಿಗೆ ಹೊಂದಾಣಿಕೆ ಮಾಡಬೇಕು, ಜುಲೈ 1 ರಿಂದ PFMS ಮೂಲಕ ಕೂಲಿ ಹಣ ಜಮೆ ಆಗುತ್ತದೆ, ನರೇಗಾ ಯೋಜನೆಯಲ್ಲಿ ಪುರುಷ ಮತ್ತು ಮಹಿಳೆ ಎಂಬ ಯಾಯುದೇ ಬೇದ ಭಾವವಿಲ್ಲ ಎಲ್ಲರಿಗೂ ಸಮಾನ ಕೂಲಿ ನೀಡಲಾಗುತ್ತದೆ. ವೈಯಕ್ತಿಕ ಕಾಮಗಾರಿಗಳನ್ನು ಹೆಚ್ಚು ಮಾಡಿಕೊಳ್ಳಲು ಮನವಿ ಮಾಡಿದರು.

ಸ್ಥಳದಲ್ಲಿ ಪಿ.ಎಚ್.ಸಿ.ಓ ಪವಿತ್ರಾ ಜಿ.ಯತ್ನಟ್ಟಿ, KHPT ಸಂಯೋಜಕರಾದ ಶಿದ್ಲಿಂಗಯ್ಯ ಹಿರೇಮಠ, ರಫಿ, ಸ್ವಯಂ ಸೆವಕರು, ಗ್ರಾಮ ಕಾಯಕ ಮಿತ್ರರಾದ ಗೀತಾ ಈಳಿಗೇರ, ಆಶಾ ಕಾರ್ಯಕರ್ತೆಯರು ಹಾಗೂ 256 ನೆರೆಗಾ ಕೂಲಿ ಕಾರ್ಮಿಕರು ಹಾಜರಿದ್ದರು.

ನಿಂಗರಾಜ ದೊಡ್ಡಮನಿ