ಬಹು ನಿರೀಕ್ಷಿತ ಚುನಾವಣಾ ಫಲಿತಾಂಶಕ್ಕೆ ನಾಳೆಯೇ ತೆರೆ

ತೀವ್ರ ಕುತೂಹಲ ಹುಟ್ಟುಹಾಕಿದ ಕುತೂಹಲಕಾರಿ 2023ರ ಕರ್ನಾಟಕ ವಿಧಾನಸಭಾ ಸಾರ್ವತ್ರಿಕ ಚುನಾವಣೆಯ ಫಲಿತಾಂಶ ಬೆಳಿಗ್ಗೆ ಹೊರಬೀಳಲಿದ್ದು ಕ್ಷೇತ್ರದಾದ್ಯಂತ ಹಾಲಿ ಮತ್ತು ಮಾಜಿ ಸಚಿವರ ಮದ್ಯೆ ತೀವ್ರ ಪೈಪೋಟಿ ಏರ್ಪಟ್ಟಿದೆ.

KM News

ಮೇ 12, 2023

1 minute

153

ರಾಜಕೀಯ

ಯಲಬುರ್ಗಾ :

ತೀವ್ರ ಕುತೂಹಲ ಹುಟ್ಟುಹಾಕಿದ ಕುತೂಹಲಕಾರಿ 2023ರ ಕರ್ನಾಟಕ ವಿಧಾನಸಭಾ ಸಾರ್ವತ್ರಿಕ ಚುನಾವಣೆಯ ಫಲಿತಾಂಶ ಇಂದು ಹೊರಬೀಳಲಿದ್ದು ಕ್ಷೇತ್ರದಾದ್ಯಂತ ಹಾಲಿ ಮತ್ತು ಮಾಜಿ ಸಚಿವರ ಮದ್ಯೆ ತೀವ್ರ ಪೈಪೋಟಿ ಏರ್ಪಟ್ಟಿದೆ.

ಕರ್ನಾಟಕ ವಿಧಾನಸಭಾ ಸಾರ್ವತ್ರಿಕ ಚುನಾವಣೆಯ ಯಲಬುರ್ಗಾ ವಿಧಾನಸಭಾ ಕ್ಷೇತ್ರವು ಮಾಜಿ ಮತ್ತು ಹಾಲಿ ಸಚಿವರುಗಳ ರಣಾಂಗಣದ ಕ್ಷೇತ್ರವಾಗಿದ್ದು ಚುನಾವಣಾ ಕಾರ್ಯಗಳೆಲ್ಲವೂ ಅತಿ ಬಿರುಸಿನಿಂದ ಜರುಗಿದ್ದು ಕ್ಷೇತ್ರಾದ್ಯಂತ ಮೇ 10ರಂದು ಮತದಾನ ಪ್ರಕ್ರಿಯೆ ಪೂರ್ಣಗೊಂಡಿದ್ದು ಪ್ರಜಾಪ್ರಭುತ್ವದ ಪ್ರತಿನಿಧಿಯನ್ನು ಆರಿಸುವ ಹೊಣೆಗಾರಿಕೆಯನ್ನು ಮತದಾರ ನಿಭಾಯಿಸಿ ಅಭ್ಯರ್ಥಿಗಳ ಹಣೆಬರಹವನ್ನು ಬರೆದು ಮತ ಪೆಟ್ಟಿಗೆಗಳಲ್ಲಿ ಭದ್ರಪಡಿಸಿರುತ್ತಾರೆ.

ಮೇ ಹತ್ತರಂದು ಬುಧವಾರ ದಿನ ಮತದಾನ ಪ್ರಕ್ರಿಯೆ ಮುಗಿದಿದ್ದು ಗುರುವಾರ ಮತ್ತು ಶುಕ್ರವಾರ ಎರಡು ದಿನಗಳ ಕಾಲ ತಾಲೂಕಿನ ಅತ್ಯಂತ ವಿವಿಧ ಪಕ್ಷಗಳ ಕಾರ್ಯಕರ್ತರು ತಮ್ಮ ತಮ್ಮ ಮುಖಂಡರ ಭವಿಷ್ಯದ ದಿನಗಳ ತೀರ್ಮಾನದ ಲೆಕ್ಕಾಚಾರವನ್ನು ಮಾಡುತ್ತಾ ದಿನ ಕಳೆದಿದ್ದು ತಮ್ಮ ಅಭ್ಯರ್ಥಿಯೇ ಗೆಲ್ಲುತ್ತಾನೆ ಎಂದು ಅನೇಕ ಬಾಜಿ ಬೆಟ್ಟಿಂಗ್ ಗಳು ಬಹಿರಂಗಗೊಳ್ಳದೆ ತೆರೆಮರೆಯಲ್ಲಿ ಸಾಕಷ್ಟು ನಡೆದಿರುತ್ತವೆ ಎಂದು ಬಲ್ಲ ಮೂಲಗಳು ತಿಳಿಸಿರುತ್ತವೆ.

ಭಾರತ ದೇಶದಲ್ಲಿ ಪ್ರಜೆಗಳೇ ಪ್ರಭುಗಳಾಗಿದ್ದು ತಮ್ಮ ಪ್ರತಿನಿಧಿಯನ್ನು ಆರಿಸಿದ ಪ್ರಜೆಗಳು ತಮ್ಮ ನಿರ್ಣಯವನ್ನು ಮತ ಪೆಟ್ಟಿಗೆಯಲ್ಲಿ ಕ್ರೂಢೀಕರಿಸಿದ್ದು ಅದರ ಫಲಿತಾಂಶ ಹೋರ ಬೀಳುವ ಸಂದರ್ಭ ಸಮಿತಿ ಸುತ್ತಿದ್ದು ಇನ್ನೂ ಕೆಲವೇ ಗಂಟೆಗಳಲ್ಲಿ ಮತದಾರನ ವಿಜಯಮಾಲೆ ಯಾರ ಕೊರಳಿಗೆ ಎಂಬುದು ಬಹಿರಂಗವಾಗಲಿದೆ.

ಭಾರತದ ಬುದ್ಧಿವಂತ ಮತದಾರ ತನ್ನ ನಿರ್ಣಯಗಳನ್ನು ಮತದಾನದ ಗುಂಡಿ ಹೊತ್ತು ಅದರ ಮೂಲಕ ಮತಪಟ್ಟಿಗೆಯಲ್ಲಿ ಸೇರಿಸಿದ್ದು ಅದರ ಫಲಿತಾಂಶಕ್ಕಾಗಿ ಚುನಾವಣ ಕಣಕ್ಕಿಳಿದ ಅಭ್ಯರ್ಥಿಗಳು ಸೇರಿದಂತೆ ಅವರ ಬೆಂಬಲಿಗರು ಹಾಗೂ ಕಾರ್ಯಕರ್ತರು ತುದಿಗಾಲ ಮೇಲೆ ನಿಂತುಕೊಂಡೆ ಎದುರು ನೋಡುವ ಪರಿಸ್ಥಿತಿಯನ್ನು ಮತದಾರ ನಿರ್ಮಿಸಿರುತ್ತಾನೆ.

ಯಲಬುರ್ಗಾ ವಿಧಾನಸಭಾ ಕ್ಷೇತ್ರದಲ್ಲಿ ಅಭಿವೃದ್ಧಿಯ ಹರಿಕಾರ ಎಂದೇ ಪ್ರಸಿದ್ಧಿ ಹೊಂದಿದ ಬಸವರಾಜ ರಾಯರೆಡ್ಡಿ ಹಾಗೂ ಸಹಕಾರ ರತ್ನ ಎಂಬ ಬಿರುದನ್ನು ಮುಡಿಗೇರಿಸಿಕೊಂಡ ಹಾಲಪ್ಪ ಆಚಾರ್ ಇವರಿಬ್ಬರ ನಡುವೆ ನೇರ ಹಣಾಹಣಿ ಏರ್ಪಟ್ಟಿದ್ದು ಮತದಾರ ಪ್ರಭುವಿನ ನಿರ್ಧಾರ ಯಾರ ಪರವಾಗಿದೆ ಎಂಬುದನ್ನು ಕಾದು ನೋಡಲು ಫಲಿತಾಂಶ ಹೋರ ಬೀಳುವ ಸಮಯಕ್ಕಾಗಿ ಕ್ಷೇತ್ರದಾದ್ಯಂತ ಬಹಳ ನಿರೀಕ್ಷೆ ಹುಟ್ಟಿಕೊಂಡಿರುತ್ತದೆ.

ನಿಂಗರಾಜ ದೊಡ್ಡಮನಿ